အမေ့အိမ်သို့တမ်းချင်း
- lms101
- Dec 11, 2022
- 1 min read
Updated: Dec 12, 2022
အမေ့အိမ်သို့တမ်းချင်း
မျှော်လင့်ချက်တစ်ခုကို ရင်မှာပိုက်
အနွေးထွေးဆုံးပါဆိုတဲ့ အမေ့အိမ်ကို
ကျောခိုင်းထွက်ခွါခဲ့တဲ့ သားမိုက်တစ်ယောက်
တောင်တန်းတွေရှိတဲ့ အရပ်ဆီ
ရောက်လာခဲ့တယ်။
ဦးတည်ရာတစ်ခုကို အာရုံစိုက်
အပေါင်းအသင်းတွေနဲ့လဲ
ဝေးခဲ့တယ်။
အမေ့အိမ်ကနေ မခွဲဖူးတဲ့ငါ
အိမ်နဲ့အဝေးဆုံးကိုသွား
မျိုးဆက်သစ်တို့ ကောင်းစားရေးဖို့
တာဝန်တွေကို ထမ်းခဲ့တယ်။
တစ်နေ့တော့ ဆိုတဲ့ မျှော်လင့်ချက်နဲ့
ကျရာတာဝန် ထမ်းဆောင်ရင်း
အမေ့အိမ်ဆိုတဲ့ အရပ်ကို
အမေ့သား လွမ်းနေခဲ့ပြီ။
-Vanzo
Comentários